广东粤语童谣顺口溜

Question

如题所述

Answer 1

广东粤语童谣顺口溜

鸡公仔，尾弯弯，做人新妇甚艰难。早早起身都话晏，眼泪唔干入下间。下间有个冬瓜仔，问过安人煮定蒸。安人话煮，老爷又话蒸，蒸蒸煮煮唔钟意。大喳嚹盐佢话淡，手甲挑盐又话咸。三朝打烂三条夹木棍。

重话：咁好花裙畀你跪到烂，咁好石头畀你跪到崩。横又难，直又难，不如舍命落阴间。人话阴间条路好，我话阴间条路好艰难。

落雨大：落雨大，水浸街，阿哥担柴上街卖，阿嫂出街着花鞋，花鞋花袜花腰带，珍珠蝴蝶两边排。

卖懒：卖懒，卖懒，卖到年卅晚，人懒我唔懒。

赖尿虾：赖尿虾，炒冬瓜，炒吾熟赖阿妈。

暧姑乖，嫁后街，后街有鲜鱼鲜肉卖，又有鲜花戴，戴吾晒，摆落床头卑老鼠拉，拉拉拉，拉去大新街，大新街又有个扯皮鞋，扯下开，又扯下埋。

凼凼转，菊花圆，炒米饼，糯米团。亚妈叫我睇龙船，我唔睇，睇鸡仔，鸡仔大，拎去卖。卖得几多钱？卖得三百六十五个仙，得来买膏又买盐。

月光光：月光光，照地堂；年三晚，吃宾榔，槟榔香，摘紫姜，紫姜辣，买茶辣，茶辣苦，买猪股，猪股肥，买牛皮，牛皮厚，买莲藕，莲藕长，买农场，农场好，大家好！

月光光，照地堂，虾崽你乖乖睡落床，天朝阿妈要捕鱼虾罗，阿爷看牛要上山坡，哦哦哦......，阿崽你快高长大罗帮手阿爷去看牛羊，哦哦哦......，月光光，照地堂，虾崽你乖乖睡落床，听朝阿妈要捕鱼虾罗！阿嫲织网要织到天光，哦哦哦......，虾崽你快高长大罗“橙”艇“杀”网就更在行，哦哦哦......

萝卜头：萝卜头，点豉油，点得多，咸过头，点得少，淡谋谋。佢以为，好正斗，点不知，俾人踢罗柚，一踢踢到西门口。